Պիցցա

Պիցցա, իտալական խոհանոցի սննդատեսակ, որն իրենից ներկայացնում է շրջանաձև հաց՝ ծածկված պոմիդորի սոուսով, պանրով և այլ բաղադրիչներով։ Համարվում է աշխարհի ամենահայտնի ուտեստներից մեկը։

Պիցցայի հայրենիքը համարվում է իտալական Նեապոլ քաղաքը, որտեղ Իտալիայի թագուհի Մարգարիտայի այցի ժամանակ նրան հյուրասիրել էին վերին մասում տարբեր սննդատեսակներով հարուստ տափակ հաց։ Սովորաբար պիցցայի վրա ընդգծվել է Իտալիայի դրոշի գույները՝ կարմիր, սպիտակ և կանաչ։

Պիցցայի պատրաստմամբ և վաճառքով զբաղվող հաստատությունները կոչվում են պիցցերիաներ։