Հայաստանի Հանրապետություն շքանշաներ

Հայաստանի Հանրապետությունում սահմանվել են Հայրենիքի, Մարտական խաչի, Պատվո շքանշան, Սուրբ Մեսրոպ Մաշտոցի, Տիգրան Մեծի, Վարդան Մամիկոնյանի շքանաշաններ։

«Հայրենիքի շքանշանը» Հայաստանի Հանրապետության բարձրագույն պետական պարգևն է․շնորհվում է «Հայաստանի Ազգային հերոս» բարձրագույն կոչմանն արժանացած անձանց։

«Մարտական խաչի 1-ին և 2-րդ աստիճանների շքանշանները» շնորհվում են հայրենիքի պաշտպանության և անվտանգության ապահոբման գործում ցուցաբերած բացառիկ քաջության, անձնուրացության ու հմտության համար։

«Պատվո շքանշանը» շնորհվում է Հայաստանի Հանրապետության պետական ու ազգային շահերի պաշտպանության, անկախության, ժողովրդավարության հաստատման գործում առանձնահատուկ ծառայություններ մատուցելու, Հայաստանի Հանրապետության հետ բարեկամություն հաստատելու, ամրապնդելու և զարգացնելու, ինչպես նաև ժողովուրդների միջև խաղաղության ամրապնդման գործում նշանակալի ավանդ ներդնելու համար։

«Սուրբ Մեսրոպ Մաշտոցի շքանշանը» շնորհվում է Հայաստանի Հանրապետության տնտեսության զարգացման, բնական և հասարակական գիտությունների, գյուտարարության, մշակույթի, կրթության, առողջապահության, հասարակական գործենության ասպարեզներում ձեռք բերած նվաճումների, ինչպես նաև արտասահմանյան երկրների հետ գիտատեխնիկական, տնտեսական ու մշակութային համագործակցության զարգացմանը նպաստող գործենության համար։

«Տիգրան մեծի շքանշանը» շնորհվում է Հայաստանի Հանրապետության պետական գործիչներին, զինված ուժերի և այլ զորքերի բարձրագույն հրամանատարական կազմի զինծառայողներին՝ Հայաստանի Հանրապետության մատուցած բացառիկ ծառայությունների համար։

«Վարդան Մամիկոնյանի շքանշանը» շնորհվում է Հայաստանի Հանրապետության զինված ուժերի, այլ զորքերի բարձրագույն և ավագ սպայկազմի ծառայողներին՝ հայրենիքի հանդեպ ցուցաբերված բացառիկ խիզախության, ինչպես նաև բանակաշինության ու զորքերի մարտական պատրաստության ապահովման գործում մատուցած ծառայությունների համար։