Արածո

Արածո, Դժոխաձոր, Չանախչի, գետ ՀՀ Արարատի մարզում, Արաքսի ձախ վտակը սկիզբ է առնում Մժկատար լեռների հարավային լանջերից՝ 2700մ բարձրությունից։ Երկարությունը 42կմ է, ջրհավաք ավազանը՝ 112,5 կմ²։ Հոսում է Զանգակատան գոգավորությունով, Արածո դաշտով, առաջացնում է ընդարձակ արտաբերման կոն։ Վերին հոսանքի ավազանը ձագարաձև է, հունը՝ քարքարոտ։ Սնումը հիմնականում ձնանձրևային (75%) է, վարարումը՝ ապրիլ֊մայիսին։ Տարեկան միջին ծախսը 0,36մ³/վ է (Զանգակատուն գ․), առավելագույնը՝ 8,64մ³/վ (14.4.1988)։ Ձմռանը սառցակալում է։ Ջրերն օգտագործվում են ոռոգման նպատակով։

Աղբյուր

• Հայկական բնաշխարհ հանրագիտարան