Սասունցի Դավիթ (մետրոյի կայարան)

«Սասունցի Դավիթ», Երևանի մետրոպոլիտենի կայարան, որը բացվել է 1981 թ. մարտի 7-ին։ Կայարանը գտնվում է Երևանի Շենգավիթ համայնքում և դուրս է գալիս Սասունցի Դավթի հրապարակ, Երևանի երկաթուղային կայարան, Սևանի փողոց՝ Սասունցի Դավթի հուշարձանի հարևանությամբ[1]։ Կառամատույցը բացօթյա է։

Կոչվել է հայկական դյուցազներգության հերոս Սասունցի Դավթի անունով։

Կայարանի ճարտարապետներն են Բաղդասար Արզումանյանը, Սերգեյ Ներսիսյանը և Ռաֆայել Իսրայելյանը։ Խորաքանդակի հեղինակն է ՀՀ ժողովրդական նկարիչ Արտաշես Հովսեփյանը։