Նարգես

Նարգեսը շքանարգիզազգիների ընտանիքի բազմամյա, սոխուկավոր խոտաբույս է։ Հայտնի է նարգեսի մոտ 60 տեսակ՝ տարածված Միջերկրածովյան երկրներում։ Նեղտերև վայրի նարգեսը հանդիպում է Անդրկարպատներում։ Հայաստանի Հանրապետությունում բնության մեջ չի հանդիպում։ Մշակվում են բազմաթիվ սորտեր՝ վառ դեղին, ապիտակ, խոշորածաղիկ և այլն, որոնք աճեցվում են պուրակներում, պարտեզներում, կիրառվում ծաղկային ձևավորումներով։

Ծաղկակիր ցողունը մերկ է, բարձրությունը՝ մինչև 35 սանտիմետր։ Տերևներն արմատամերձ են, նեղ գծաձև։ Ծաղիկները հիմնականում մեկական են, կան նաև ողկույզներով։ Պտուղը տուփիկ է։ Նարգեսի բոլոր տեսակները թունավոր են։